Agjenti 007 është i plagosur në krenarinë e tij, pasi është tradhtuar nga Vesper, gruaja që dashuronte. Misioni i tij i ri fillon me detyrën e re për Bondin që të mos bënte asnjë hakmarrje personale. Pasi zbulon se një organizatë sekrete kishte kapur Vesper, e që një llogari bankare i përket një agjenti M16 të korruptuar në Haiti, Bond falë edhe ndihmës së Kamilës, një grua e etur për hakmarrje, njihet me Dominik Grin një biznesmen që bën pjesë në organizatë. Bond zbulon që Grini është duke punuar për të marr kontrollin e një prej burimeve natyrore më të rëndësishme në botë dhe për ta arritur këtë është gati të bëjë gjithçka. Mes mashtrimeve dhe tradhtive, Bond, me ndihmën e disa miqve të vjetër duhet të zbulojë burrin që shkaktoi tradhtinë e Vesper dhe të ndalojë planin e Grinit.